ORAGUA: Gatineau park

Hoxe fomos Antonio e eu ao parque de Gatineau, fixemos unha ruta dunhas 3 horas andando ata o Pink Lake que anque se chame así non é rosa, o de Pink venlle ao parecer por ser a familia Pink a propietaria desta zona do parque. Eu que vin Algonquin park pareceume un Algonquin en pequeno e aínda así interesante e para os que non viron Algonquin pode darvos idea do que é ese maravilloso parque. A ruta empeza nun dos bordes do parque, cerca do visitor's centre e chega ata o lago e logo pode rodearse o lago. Paga moito a pena ir e é moi doado, cóllese un bus na rúa Rideau, fronte ao Rideau centre e a librería chapters, vale tanto o 31, 32 ou 33. Son os autobuses azuis de Gatineau e non vale o noso pase, págase o importe exacto que é de 3,55 dólares. Hai que parar (despois de 45 minutos aprox.) en Complexe Mont-Bleu, Relais plain air du parc de la Gatineau, alí empeza a ruta. Está ao lado duns campos de deportes moi grandes, de fútbol, pista de atletismo... non sei se é dun colexio ou universidade. Poño fotos para que vos fagades unha idea.